ການໃຊ້ຈ່າຍດ້ານວຽກງານປ້ອງກັນຊາດ ຂອງທະວີບອາຊີເພີ່ມຂຶ້ນສູງເປັນປະຫວັດສາດ
ຂ່າວສານຫວຽດນາມລາຍງານວ່າ: ໃນປີ 2023 ທີ່ຜ່ານມາ, ອັດຕາລາຍຈ່າຍດ້ານວຽກງານປ້ອງກັນຊາດ ຂອງທະວີບອາຊີໄດ້ເພີ່ມຂຶ້ນ
ສູ່ຈຸດສູງສຸດເປັນປະຫວັດສາດປະມານ 510 ຕື້ໂດລາສະຫະລັດ ເພີ່ມຂຶ້ນ 4,6%ເມື່ອທຽບໃສ່ປີຜ່ານມາ. ເດືອນ ມີນາ ປີ 2023, ສປ ຈີນ
ໄດ້ເປີດເຜີຍງົບປະມານດ້ານການທະຫານລວມມູນຄ່າ 1,550 ຕື້ຢວນ ຫຼື ປະມານ 219,5 ຕືໂດລາ ເພີ່ມຂຶ້ນ 7,2% ເມື່ອທຽບໃສ່ປີຜ່ານ
ມາ ແລະ ຖືເປັນປີທີ 29 ຕິດຕໍ່ກັນທີ່ຈີນມີລາຍຈ່າຍດ້ານວຽກງານປ້ອງກັນຊາດເພີ່ມຂຶ້ນ.
ເນື່ອງຈາກງົບປະມານໃຊ້ຈ່າຍທາງການທະຫານຂອງຈີນ ສູງກວ່າທຸກປະເທດໃນທະວີບອາຊີຈຶ່ງເຮັດໃຫ້ບັນດານັກວິເຄາະແຖວໜ້າຂອງ
ໂລກ ຄາດຄະເນວ່າໃນປີ 2023 ຈີນ ໄດ້ກວມເອົາ 43% ຂອງເປີເຊັ່ນທັງໝົດໃນການໃຊ້ຈ່າຍດ້ານວຽກງານການທະຫານຂອງທະວີບອາຊີ.
ໃນເດືອນ ພະຈິກ 2022, ຍີ່ປຸ່ນໄດ້ເປີດເຜີຍແຜນການວ່າຈະເພີ່ມການໃຊ້ຈ່າຍດ້ານວຽກງານປ້ອງກັນຊາດ ແລະ ປ້ອງກັນຄວາມສະຫງົບໃນ
ປະເທດຂຶ້ນເປັນ 2% ຂອງ GDP ໃນປີ 2027, ເພີ່ມຂຶ້ນສອງເທົ່າເມື່ອທຽບໃສ່ການໃຊ້ຈ່າຍປົກກະຕິດ້ານວຽກງານດັ່ງກ່າວ. ໜຶ່ງເດືອນຕໍ່
ມາ, ຍີ່ປຸ່ນໄດ້ອອກມາຖະແຫຼງການວ່າ, ປະເທດຂອງພວກເຂົາ ແລະ ທົ່ວໂລກກຳລັງປະເຊີນກັບ "ສະພາບແວດລ້ອມດ້ານຄວາມປອດໄພທີ່
ຮ້າຍແຮງ ແລະ ສັບສົນທີ່ສຸດ" ນັບຕັ້ງແຕ່ປີ 1945 ເປັນຕົ້ນມາ. ນີ້ຖືເປັນສາເຫດຕົ້ນຕໍໃນແຜນການເພີ່ມການໃຊ້ຈ່າຍທາງທະຫານຂອງປະ
ເທດ ແລະ ນຳໄປສູ່ການເພີ່ມງົບປະມານດ້ານການປ້ອງກັນຊາດໃນປີ 2023 ຂອງຍີ່ປຸ່ນ ໂດຍປະເທດໄດ້ສຸມໃສ່ເພີ່ມທະວີດ້ານວຽກງານປ້ອງ
ກັນອາກາດ ແລະ ອື່ນໆເປັນຕົ້ນ. ສປປ. ເກົາຫຼີ ກໍໄດ້ເພີ່ມງົບປະມານດ້ານວຽກງານປ້ອງກັນເຊັ່ນດຽວກັນ ໂດຍກະຊວງປ້ອງກັນປະເທດ ສະ
ເໜີງົບປະມານ 348,700 ຕື້ວອນເພື່ອປັບປຸງ ແລະ ຍົກລະດັບວຽກງານປ້ອງຊາດ ເປັນຕົ້ນແມ່ນການຍົກລະ ດັບກຳລັງປະກອບອາວຸດ ແລະ
ຊື້ອຸປະກອນທາງການທະຫານອື່ນໆ. ຂະນະດຽວກັນ, ອິນເດຍ ກໍໄດ້ເພີ່ມງົບປະມານທາງດ້ານການທະຫານຂຶ້ນປະມານ 1,5% ເມື່ອທຽບໃສ່
ງົບປະມານຂອງປີຜ່ານມາ.
ແຫຼ່ງທີ່ມາ: ໜັງສືພິມກອງທັບ
ວັນທີ 13/02/2024